Nagpahigayon ang Office of the Vice President kon (OVP) Caraga Satellite Office ug Financial Literacy Training alang sa 23 ka mga negosyante sa micro, small, ug medium enterprises nga nagnegosyo sa palibot sa Enchanted River, Barangay Talisay, Hinatuan, Surigao del Sur.
Ang kalihokan gihimo uban sa Department of Trade and Industry kon (DTI) aron mapaligon ang turismo sa lalawigan ug masuportahan ang mga gagmay’ng negosyante sa hustong pagdumala sa ilang negosyo.
Mitambong sa maong training ang mga tag-iya sa souvenir shops, food stalls, refreshment areas, ug coffee shops nga padayon nga nagserbisyo sa mga lokal ug langyaw nga turista. Pinaagi sa maong pagbansay, nakakat-on ang mga partisipante sa pag-budget, financial management, ug business sustainability.
Ang kalihokan kabahin sa programa nga “Mag Negosyo Ta ’Day (MTD)” sa OVP nga nagtumong sa pagtabang sa mga kababayen-an ug negosyante aron mapalambo ang ilang panginabuhian ug mapalig-on ang lokal nga ekonomiya.
Ang 23 ka partisipante sa training maoy giilang posibleng benepisyaryo sa MTD Program isip pag-ila sa ilang kontribusyon sa turismo ug ekonomiya sa Hinatuan.
Photo courtesy to:OVP
