PREPARASYON ALANG SA UNDAS 2025 GISUGDAN NA- EEDMO ILIGAN

Gipangandaman na sa Cemetery Division ilalom sa Economic Enterprise Development and Management Office (EEDMO)-Iligan City ang nagkadoul nga pag -obserbar sa UNDAS 2025 , kung asa nakahan-ay na ang mga lakang nga ipatuman aron mapahapsay ang pagduaw sa mga katawhan ngadto sa ilang mitaliwan nga mga mahal sa kinabuhi sa bisan asa nga public cemetery sa syudad sa Iligan.

Matod pa ni Agnes Clerigo Maingat -EEDMO Head nga nagtinabangay ang matag Division ug andam na ang mga kawani nga edeploy sa nagkalain-laing public cemetery.

Gidugang pa ni Maingat nga usa usab sa ilang gipaningkamotan ning kasamtangan mao ang paghimo ug Toilet sa sulod mismo sa area sa Dalipuga Public cemetery.