Anaa na ang technical group gikan sa Department of Public Works and Highways (DPWH) Central, Regional, ug District Offices didto sa landslide sa may Overview, Sitio Kipolot, barangay Palacapao, Quezon, Bukidnon kagahapon Oktobre 20, 2025
Subay sa inisyal nga plano niini, maghimo na sila og detour sa kilid sa nahugno nga bahin sa Bukidnon-Davao Road sulod sa duha ka semana
Samtang sa exclusive nga pakighinabe sa Juander Radyo Malaybalay ngadto kang Ford Cabarde, information officer sa LGU Quezon gipadayag nga hangtod padayon ang search rescue and retrieval operation sa magtiayon nga gituohang naapil sa pagkahugno sa yuta
Sa ikaduhang adlaw sa operasyon anaa sa 400 ka responders and security personnel ang nagtinabangay samtang naggamit na usab og K9 unit ug scanner aron maabagan ang responders.
Gipahimangnuan usab niini ang mga motorista ug mga biyahero gikan syudad sa Cagayan paingon sa Davao vice –versa kung mahimo dili magdalag daghang kargamento tungod sa kahimtang sa lugar
Si Elison Ubatay kamugalngang anak sa missing nga magtiayon mipadayag usab nga kung unsaman ang gidangatan sa ilang ginikanan, dawaton nila kini ang importante makit-an ug mahatagan sa hustong kapahulayan.
via: LGU – Quezon
