Aron mapalig-on ang integridad ug kredibilidad sa serbisyo publiko, gipahigayon sa Lokal nga Pangagamhanan sa Dakbayan sa Valencia ang Random Drug Testing alang sa mga empleyado ug opisyal kagahapon Oktubre 20, 2025, sa Valencia City Hall Covered Court.
Kabahin kini sa pagpatuman sa Drug-Free Workplace Policy ubos sa Ordinance No. 120-2024, nga nagtumong sa pagpreserba sa kaluwasan, disiplina, ug integridad sa tanang kawani sa lokal nga pangagamhanan
Personal nga miapil sa drug test sila Mayor Amie Galario, Vice Mayor Griezl Galario-Fernandez, ug mga konsehal isip pamatood sa ilang tinuoray nga paningkamot ug ehemplo sa maayong pamunoan.
Sumala pa kung adunay magpositibo sa random drug testing, ipasaka kini sa confirmatory test aron mapamatud-an ang resulta ug hatagan sa 15 ka adlaw idepensa ang kaugalingon ug kung walay aksyon, pagaisipon nga ilang gidawat ang pinal nga resulta.
Samtang kung makumpirmang positibo, kinahanglan mopailalom sa rehabilitation program; ug kung dili mosunod, pasakaan og kaso nga grave misconduct nga mahimong hinungdan sa pagtanggal sa serbisyo
via: LGU – Valencia City
