Giklaro sa Department of Health () nga walay bag-ong virus nga mikatap sa nasud bisan pa man sa pagdagsang sa kaso sa influenza-like illnesses (ILI) karong flu season.
Subay sa datos sa ahensya, ang tulo ka nag-una nga hinungdan sa influenza-like illnesses (ILI) mao ang Influenza A, Rhinovirus ug Enterovirus, samtang ang SARS-CoV-2 o o COVID-19 virus anaa lamang sa ika pulo nga pwesto.
Sa usa ka pamahayag, gitagaan og gimbug-aton sa ahensiya nga adunay katungod ang Local Government Units (LGUs) sa ilawon sa Republic Act No. 11332 nga magpatuman og mga health measures subay sa sitwasyon sa ilang ginsakupan.
Dugang pa sa ahensya nga panahon karon sa trangkaso, maong kinahanglan ipatuman ang mga basic health practices susama sa kanunay nga paghugas og kamot, pagsul-ob og face mask, magpabakuna, pagtabun sa baba kung muubo, mukaon og masustansya nga pagkaon, mag-exercise, ug likayan ang mga bisyo nga makadaot sa panglawas.
Samtang, sa ulahing datus sa DOH, mikabat sa kapin 133,000 ang kaso sa influenza-like illnesses kaniadtong Setyembre nga mas ubos kung itandi sa 155,000 ka kaso sa susama nga bulan milabayng tuig.
Una nang gibutyag ni Health Secretary Ted Herbosa, nga walay igong rason aron magdeklara og lockdown bisan paman nga daghan na og nagkasakit sa nasud, gumikan nagagikan sumala pa ang maong sakit sa nagkadaiyang matang sa virus ug wala sumala pa’y outbreak gikan sa usa ka virus
via: DOH
Photo courtesy to:Manila Bulletin
