Mobalik na usab og aksyon ang Pinay netter nga si Alex Eala karong panahona sa Guangzhou Open nga ipahigayon sa Nansha International Tennis Center sa Guangzhou, China.
Sugdan ni Eala ang iyang kampanya sa doubles event diin ang 20-anyos ipares sa beteranong Ukrainian netter nga si Nadiaa Kichenok.
Magsangka dayon sila si Eala ug Kichenok kay ang duha magsangka sa fourth seeds nga sila si Emily Appleton sa Great Britain ug Qianhui Tang sa China sa opening round.
Ang sangka gitakda karong alas 10 sa buntag diin ang modaog maoy moabante sa quarterfinals. Si Eala nagtinguha nga maputol ang iyang sunodsunod nga kapildihan sa WTA Tour. Si Eala gikan sa malisod nga 1-6, 2-6 nga kapildihan kang Tereza Valentova sa Czech Republic sa Japan Open nga gipahigayon sa Osaka, Japan.
Sa wala pa ang Japan Open, napildi sab si Eala sa unang hugna sa qualifying tournament sa Wuhan Open sa China. Busa, gilauman nga ipagawas ni Eala ang iyang bug-os nga kusog aron adunay maayong kampanya sa Guangzhou Open
via: WION
