Usa ka gasolinahan sa Samara, Russia, ang nakahunahuna og lingaw nga summer promo ang paghatag ug libre nga gasolina para sa bisan kinsa nga magsul-ob og bikini.
Apan wala nila giingon nga kinahanglan nga babae lamang kundili lakip na usab ang mga lalaki. Paglabay lang sa pipila ka oras, daghang mga lalaki ang nangabot nga nagsul-ob og bikini, swimsuit, ug bisan high heels, aron makakuha sa ilang libre nga gasolina.
Ang mga hulagway ug video sa maong talan-awon dali nga misikat sa social media, nga nagdalag kalingawan sa mga netizen sa tibuok kalibotan.
Tungod sa sobra kadaghan nga miapil, napugos ang gasolinahan nga undangon sayo ang promo tungod sa “overwhelming participation.”
Ang gipangandoy nga simple lang nga marketing stunt nahimong sikat nga internet comedy moment usa ka pahimangno nga sa digital age, mas maayo gyud nga basahon ang fine print.
via: IGNITE
