Gikuwestiyon ni Bise Presidente Sara Duterte kaniadtong Sabado ang paghimo ug katuyoan sa Independent Commission for Infrastructure (ICI), nga nagsugyot nga kini nagsilbi nga usa ka himan sa pagsaysay sa politika alang sa administrasyong Marcos kaysa usa ka tinuod nga investigative body.
Sa usa ka interbyu sa media sa Manaoag, Pangasinan, ang Bise Presitente miluwat og pulong nga ang ICI naporma pinaagi sa usa ka executive order niadtong Septiyembre natukod dili aron sa pagbutyag sa kamatuoran luyo sa korapsyon nga may kalabotan sa imprastraktura kondili aron “i-legitimize” ang bersyon sa mga panghitabo nga paborable sa administrasyon.
Gisusi karon sa ICI ang giingong mga iregularidad sa pagkontrolar sa baha ug uban pang mga proyekto sa imprastraktura sa milabay nga dekada, nunot sa hait nga pagsaway ni Presidente Ferdinand Marcos Jr. sa mga kurakot nga binuhatan niining mga sektor atol sa iyang State of the Nation Address niadtong Hulyo.
Si Bise Presidente Duterte nangatarungan nga ang Opisina sa Presidente aduna nay igong kahinguhaan apil na ang binilyon nga kompidensyal nga pundo aron direkta nga magtukod og legal nga mga kaso nga wala magkinahanglan ug independenteng komisyon.
Giangkon usab sa Bise nga ang nagpadayon nga mga imbestigasyon gigamit aron dili direkta nga target ang iyang mga kaalyado sa politika, labi na ang iyang amahan Rodrigo Duterte ug Senador Bong Go, nga iyang gituohan nga gituyo aron pahuyangon ang iyang potensyal nga bid sa 2028 presidential elections.
via : DAILY SABAH
