Nahagsa sa runway ug mitugpa sa dagat ang usa ka Cargo plane gikan sa Dubai samtang naglanding sa Hong Kong International Airport sa sayong buntag Lunes, Oktubre 20, base sa pahayag sa airport operator.
Gireport usab sa lokal nga media nga duha ang namatay sa maong insidente.
Nahitabo ang aksidente mga alas 3:50 sa kaadlawon oras sa Manila, pipila lang ka minutos human maka-landing ang Emirates-operated cargo flight EK9788. Gipahibalo sa Emirates sa usa ka pahayag nga ang Boeing 747 naguba atol sa paglanding ug kini gi-wet lease gikan sa Turkey-based ACT Airlines.
Gi-kumpirma usab nga ang crew luwas ug walay kargamento nga sakay sa eroplano sa maong panahon. Apan, duha ka tawo nga sakay sa ground vehicle nga duol sa runway ang gituohang nabanggaan sa eroplano ug namatay, base sa lokal nga media nga nagsugid og impormasyon gikan sa kapulisan.
source: msn
Photo courtesy to:The Jakarta Post
