Nagpahimangno ang Food and Drug Administration (FDA) sa publiko kabahin sa mga pekeng bakuna batok sa mga anti-rabies sa nagkadaiyang lugar sa nasud. Kini human mataho ang sirkulasyon kabahon sa mga pekeng produkto sa lain-laing mga health facility, establisyimento ug dili awtorisadong mga distribution channels.
Migawas sa datos sa Department of Health nga adunay 260 ka mga kaso sa rabies nga natala sa nasud gikan sa Enero hangtod Setyembre 20 karong tuiga. Giingon sa FDA nga kon mopalit ug mga anti rabies vaccine diha lang sa mga lisensyadong mga establisyimento mopalit.
Mahimo usab nga sutaon ang pagkalihitimo niini pinaagi sa online verification portal nga verification.fda.gov.ph. Gidasig sab sa FDA ang publiko nga i-report ang kadudahang peke nga mga bakuna pinaagi sa pagpadala sa email sa FDA sa [email protected] o pinaagi sa pagtawag sa Center for Drug Regulation and Research sa numerong (02) 8809-5596.
Photo for illustration credits to:Utah Poison Control Center
