Dakpan sa kapulisan ang usa ka 27-anyos nga lalaki human gireklamo sa iyang inahan nga misulay og panghasi kaniya gamit ang sundang, sa Zone 8, Malindawag, Barangay Abuno, Iligan City.
Personal nga mitunga sa Iligan City Police Station 4 ang complainant ug misumbong sa panghitabo ug paspas usab gilayon kining girespondihan sa patrol personnel sa ICPS-4 nga gipangulohan ni PCPT. Michaelangelo C. Roldan, Officer-in-Charge.
Paghidangat sa mga awtoridad sa lugar, naaktuhan pa nila ang suspetsado nga naggunit og sundang. Sa gihimong body search narekober usab sa kapulisan gikan sa suspetsado ang usa ka sachet nga adunay sulod sa drugang shabu ug adunay gibug-aton nga 0.07 grams.
Sa kasamtangan ang suspetsado anaa na sa kustodiya sa Iligan City Police Station 4 alang sa tukmang lakang .
Photo courtesy to: ICPS 4
