Gipadayag ni Gobernador Raul Mabanglo ang iyang 100-Days Progress Report sa publiko gahapong adlawa, nga naglatid sa mga mahinungdanong kalampusan sa iyang kadumalahan sa unang tulo ka bulan sa katungdanan. Luyo nagkadaiyang hagit, gipasabot niya ang iyang pamunoan nagpabiling nakagamot sa inclusive development ug serbisyo publiko alang sa tanan.
Nakasentro sa iyang report mao ang flagship program sa administrasyon: nga ang ” Kapitolyong maduolan sa tanan, serbisyong walay pili-pili.”
Tungod niini nga panan-awon, nanguna siya sa pagtukod sa Maduolan Centers ug Help Desks, nga estratehikong nahimutang sa Kapitolyo Probinsyal ug sa mga lugar sama sa Maco, Mabini, Pantukan, ingon man sa DDOPH Montevista ug DDOPH Pantukan. Kini nagsilbi nga one-stop service hubs, nga nagpauswag sa accessibility sa mga serbisyo sa gobyerno sa tibuok probinsya.
Gitubag usab ni Mabanglo ang dugay nang mga isyu; nga nagtutok sa rehabilitasyon sa upat ka mga ospital sa probinsiya, dugang suporta sa mga mag-uuma, turismo ug pamuhunan, edukasyon, mga programa sa kalinaw ug kahusay, paghatag og mga kahigayonan sa panginabuhian, ug tabang sa ubang mga sektor.
Apil sa talagsaong mga kalampusan sa imprastraktura sa iyang unang 100 ka adlaw mao ang rehabilitasyon sa mga importanteng road networks, ang Cabuyuan-Luhod-Mascareg Road sa Mabini, Sangab-Limbo Road sa Maco, ug ang Naboc-Pilar-Tamia Road section sa Compostela,
Apil sa gisugdan ang pagtukod ug mga Sub-Engineering Office sa Brgy. Panibas sa Maco, Brgy. Kapatagan, Laak, ug Barangay Kingking sa Pantukan. Ang mga satellite offices masangkapan sa mga makinarya ug mga kahimanan nga kinahanglanon alang sa pagmentinar sa dalan ug paspas nga pagtubag sa kalamidad, road maintenance and rapid disaster response, ilabina na sa geographically isolated barangays.
Photo courtesy to: Provincial Government of Davao de Oro
