Malampusong na-turn over sa Department of Trade and Industry (DTI) Sultan Kudarat, pinaagi sa RAPID Growth Project, ang 17,000 ka semilya sa kape ug 34 ka sako nga abono ngadto sa Agsam Farmers Association sa Sitio Kitay, Brgy. Salaman, Lebak, Sultan Kudarat.
Ang maong tabang nakabenepisyo sa 34 ka mga mag uuma ug makasuporta sa pagpalapad sa ilang kasamtangan nga coffee farm area. Nagpamatuod kini sa pasalig sa Local Government Unit (LGU) sa Lebak sa pagtabang sa mga lokal nga mag-uuma.
Kini nga interbensyon nahimong kabahin sa mas lapad nga tumong sa RAPID Growth Project nga madugangan ang kita sa mga mag-uuma sulod sa pinili nga value chain.
Pinaagi sa paghatag ug kalidad nga mga materyales sa pagpananom sa kape ug mga input sa uma, ang proyekto naghatag gahum sa mga mag-uuma sa pagpalapad sa ilang mga lugar nga produksiyon, pagpalambo sa ani, ug pagpalig-on sa industriya sa kape sa Sultan Kudarat.
Photo Courtesy to:DTI SULTAN KUDARAT
