Gitugotan sa Department of Agriculture (DA) ang pag import sa mga sibuyas, carrots ug broccoli sa gamay nga kantidad aron mahupay ang pagtaas sa presyo sa pagkaon tungod sa dili maayong panahon.
Gibutyag ni Agriculture Secretary Francisco Tiu Laurel Jr. atoll sa sidelines sa 47th Meeting of the Asean Ministers on Agriculture and Forestry, nga ang DA nakaobserbar sa dakong pagsaka sa presyo sa pipila ka mga produkto sa agrikultura base sa ilang bag-ong monitoring.
Matod ni Tiu Laurel nga ang presyo sa pula nga sibuyas, gikan sa P140 ngadto sa P160 matag kilo (kg) base sa usa o duha ka semana ang milabay, mamahimong sobra ang pagtaas sa presyo.
Dugang pa niini rason nga mimando kini ug pag import kaniadtong miagng semana aron nga ma-maximize ang kita sa local.
Pinaagi usab niini matubag ug hinaut nga ang inflation ma-stabilize tungod sa pag-import sa puti nga sibuyas, pula nga sibuyas, carrots, broccoli aron madugangan ang pagkabalda sa suplay tungod sa mga bagyo, ulan ug baha.
Sumala pa sa nasampit nga labaw nga gitugotan niya ang pagsulod sa 3,000 hangtod 5,000 metriko tonelada (MT) sa pula nga sibuyas hangtod mga usa ka bulan sa dili pa magsugod ang harvest season sa mga palaliton sa bulan sa Pebrero.
Sa bahin sa mga carrots, gibutyag ni Tiu Laurel nga gitugotan sa DA ang pag-import og “pipila ka gatos ka tonelada” aron masusi ang sitwasyon, tungod kay misulbong usab ang mga presyo.
Mahimo kining gikan sa China ug Netherlands. Ang pag-import sa mga carrots gikan sa China gihimo sa usa ka pagsulay nga basehan. Kini ang unang higayon nga gitugotan kini sa maong ahensya.
Ang mga carrots gikan sa New Zealand ug Australia duna nay pagtugot kaniadto, apan ang mga presyo niusbaw.
Kaniadtong Biyernes, ang sektor sa umahan nakaangkon og P2.93 bilyon nga kapildihan, sumala sa pinakaulahing bulletin sa DA sa habagat ug tropikal nga mga bagyo nga Mirasol, Nando ug Opong.
Ang dili maayong panahon nakadaot sa 213,164 MT nga produkto sa agrikultura sa 84,267 ka ektarya nga yuta, nga nakaapekto sa kadaghanan sa mga humay ug high value crops.
Sumala sa pagmonitor sa presyo sa DA sa mga merkado sa Metro Manila, ang carrot gibaligya gikan sa P200 ngadto sa P300 matag kilo niadtong Sept. 30, mas taas kay sa miaging tuig nga P80-P160 matag kilo.
Photo Courtesy to:PNA
