Dakpan sa San Miguel Municipal Police Station (MPS) sa pagpanguna ni Police Major Elmar Claret, ang usa sa Most wanted person sa Probinsyal nga lebel nga giakusahan sa kaso nga pagpatay niadtong Septiyembre 28, 2025.
Ang nadakpan giila nga si alyas “Beboy”, 55 anyos, ug nakalista isip Top 3 Provincial Most Wanted Person. Base sa report sa kapulisan, ang warrant of arrest batok kaniya giluwatan sa Regional Trial Court Branch 27 sa Tandag City, diin walay girekomenda nga piyansa.
Gipunting sa San Miguel PNP nga kini nga kalampusan kabahin sa padayon nilang kampanya kontra kriminalidad ug subay sa palisiya sa gobyerno alang sa usa ka malinawon ug hapsay nga katilingban ubos sa #BagongPilipinas nga adbokasiya.
Kini nga kalamboan naghatag kasiguroan sa mga residente nga ang kapulisan magpabilin sa baruganan sa pagpanalipod sa komunidad, paghatod sa hustisya ngadto sa mga biktima ug ilang pamilya, ug pagpalig-on sa pagsalig sa katawhan sa balaod ug hustisya.
Photo for illustration credits to:the indian express
