Nakadawat og taas nga performance rating ang Police Regional Office 13 (PRO-13) human sa gihimong 2nd Quarter 2025 Client Satisfaction Survey nga gipagawas sa Mindanao Development Authority (MinDA).
Base sa resulta, nakab-ot sa PRO-13 ang mosunod nga rating: Satisfaction – 91%; Security – 88%; Trust – 88%; Respect – 88%; Safety – 85%.
Nagpasabot kini nga daghan sa katawhan ang kontento ug nagsalig sa serbisyo ug seguridad nga gihatag sa kapulisan sa rehiyon sa Caraga.
Gipasalamatan sa pamunuan sa PRO-13 ang publiko sa padayon nga pagsalig ug suporta, uban sa saad nga ipadayon ang ilang tinud-anay nga serbisyo aron mapreserbar ang kalinaw, kasiguroan ug kahapsay sa Caraga Region.
Photo credit: PRO-13
