Gipasiugda sa Bangko Sentral ng Pilipinas (BSP) ang kamahinungdanon sa papel sa mga thrift banks sa pagpalambo sa ekonomiya sa nasud. Base sa datos niadtong Hunyo 2025, nagpadayon ang pagtubo sa industriya sa thrift banking, diin misaka ang total assets, pautang, deposito, ug kapital.
Miabot sa ₱908.1 billion pesos ang netong pautang, nga nagpakita sa aktibo nga pagpanghulam nga gihimo sa maong sektor. Nagpabilin nga mas taas sa regulatory threshold ang minimum liquidity ratio, nga nagpamatuod sa lig-on nga kapasidad sa mga myembro sa Chamber of Thrift Banks (CTB) sa pag-atubang sa ilang mga obligasyon.
Matod ni Deputy Governor Lyn Javier, ang digitalization dili lang limitado sa mga online platforms kundili apil usab ang automation sa internal nga mga proseso. Gibutyag nga angay ang investment ipahiuyon sa tinuod nga panginahanglan sa bangko ug sa pagpaayo sa serbisyo para sa mga kliyente.
Dugang niya, ang tumong sa digital transformation mao ang pagpalambo sa efficiency, risk management, ug customer service aron makadungan ang mga thrift bank sa kompetisyon.
Photo courtesy of business.inquirer.net
