Mi-ubos ang FIBA ranking sa Gilas Pilipinas human sa ilang kapakyasan sa kampanya sa bag-ohay lang nahuman nga FIBA Asia Cup nga gipahigayon sa Saudi Arabia. Base sa gipagawas nga ranking sa FIBA, anaa na karon sa ika-37 nga pwesto ang national basketball team sa nasud.
Kaniadto, sukad pa sa Nobyembre sa miaging tuig, anaa sa ranked 34 ang Gilas Pilipinas, human nila mapildi ang New Zealand sa dula nga gipahigayon dinhi sa Pilipinas atol sa second window sa FIBA Asia Cup Qualifiers.
Kahinumduman nga sa maong torneo nga gipahigayon sa Saudi Arabia, napildi ang Gilas batok sa Chinese Taipei ug New Zealand, ug nakadaug lang sila batok sa Iraq aron makalusot sa qualification paingon sa quarterfinals game.
Photo courtesy of peoplebalita.com
