Nagpadayag sa iyang pagbati si Senadora Imee Marcos kabahin ni President ni Ferdinand Marcos Jr. ug pipila sa iyang mga paryente nga may kalambigitan sa mga isyung giatubang sa nasud.
Sa usa ka video post, gipakita ang upat ka placards nga adunay mga ngalan nila President Marcos, Congressman Sandro Marcos, Congressman Martin Romualdez, ug Liza Marcos.
Nunot niini gipangutana ang senadora kung kinsa sa upat ang iyang gikainitan.
Sumala ni Senadora Imee, nga gisayangan siya alang sa kang Congressman Sandro Marcos tungod matud pa bata pa kini ug nadamay na sa kagubot nga giatubang sa nasud.
Gipadayag usab sa Senadora ang iyang kaguol alang sa iyang igsoon nga si President Marcos Jr.,ug giingon nga 36 katuig nila kining giampingan, gi-paninguha, ug gi-ampo ug nasayang lang.
Samtang, giangkon niya nga labaw pa sa yano nga kasuko ang iyang gibati batok sa iyang ig-agaw nga si kanhi House Speaker Martin Romualdez.
Nipaabot usab og komentaryo ang Senadora batok sa asawa ni President Marcos nga si Liza Marcos, kung asa iyang gisulti nga dili niya kini paryente, og ni dili niya kadugo.
Photo courtesy of philippines-times.com
