Viral online ang usa ka 63 anyos nga babayeng japanesse kinsa naminyo sa usa ka 31 anyos nga lalaki sa Japan.Kini nagpamatuod nga ang gugma wala gayud nagbase sa edad ug kinsa ug unsa paman.
Ang babaye nga ginganlag Azarashi nibutyag nga niadtong 2020 nagsugod ang ilang matam-is nga paghinigugmaay human nahabilin sa lalaki ang selpon niini sa usa ka cafe sa Tokyo.
Usa ka semana human sa ilang panagkita, ang duha parehong nahulog sa usag usa pinaagi sa pagbinayloay ug mensahe sa selpon. Kahibaloan nga si Azarashi naminyo sulod sa kapin sa duha ka dekada ug nagdiborsyo sa 48 ka tuig, diin siya mismo ang nagpadako sa iyang anak isip nag-inusarang inahan.
Gani, gisulayan niini nga mangita ug kapikas online apan mas gipili niya nga mag inusara ug sa wala damha naabot sa iyang kinabuhi ang batan-ong lalaki. Human sa usa ka bulan nga panag-uyab nadiskubrehan sa duha ang tinuod nga edad sa usag usa.
Ang anak nga lalaki ni Azarashi, kinsa minyo ug adunay mga anak ug mas magulang sa unom ka tuig sa iyang bag-ong uyab ug bisan paman niini misuporta sila sa relasyon sa duha. Bisan paman niadtong una dili supportado sa anak nga lalaki apan wala na kiniy nahimo.
Photo for illustration credits to:istock
