KAPUTIAN-SAMAL, GIPANGANDAMAN NA ANG GIKUB FESTIVAL

Gipangandaman na ang labing una nga Gikub Festival, usa ka selebrasyon nga gipangulohan sa mga batan-on. Matud pa, gingalan kini sa karaang ngalan sa Talicud, nga ipahigayon sa umaabot nga bulan Disyembre sa Kaputian District, Island Garden City of Samal.

Tema sa maong selebrasyon ang “One Talicud”, usa ka festival nga magpakita sa linya sa mga aktibidad nga nagsimbolo sa panaghiusa sa mga batan-ong lider sa tibuok barangay sa isla.

Sumala pa, nga ang inisyatiba nagtumong sa paghiusa sa mga komunidad pinaagi sa kultura, kalingawan ug pakiglambigit nga gipangulohan sa sektor sa kabatan-onan.

Nagtimaan usab ang maong festival sa usa ka milestone sa lokal nga mga selebrasyon sa Talicud, nga nagpasiugda sa pagkamamugnaon ug pagpangulo sa mga batan-on nga henerasyon sa pagpasiugda sa garbo sa kultura ug espiritu sa komunidad.