Pormal nga girekomenda ni Department of Public Works and Highways (DPWH) Secretary Vince B. Dizon sa kongreso ang pagtangtang sa alokasyon alang sa locally-funded nga flood control projects sa gisubmitar nga revised budget para sa tuig 2026 National Expenditure Program sa ahensya.
Nagpasabot lamang kini nga mokunhod og 28.99% ang sugyot nga pondo sa DPWH sa P624.784 bilyon gikan sa unang nasubmitar nga P881.312 bilyon. Sa kinatibuk-an, nagkantidad P255.258 bilyon ang nakuha sa bag-ong proposed budget sa ahensya.
Una na nga gimando ni presidente Ferdinand Bongbong Marcos Jr., ang pagtanggal sa pondo sa local flood control projects sa 2026 NEP ug igahin na lamang kini sa ubang proyekto ug programa sa panggamhanan sama sa panglawas, edukasyon, ug agrikultura.
Samtang gischedule ang hearing sa nilabay nga adlaw sa sugyot nga pondo sa DPWH sa House Committee on Appropriations.
Photo courtesy to:Pinoy Builders
