Mokabat sa 3.3 million pesos, ang kantidad sa illegal droga ang nakumpiska sa mga operatiba, gikan sa 3 ka mga suspetsado nga nalit-ag atol sa gikasang drug buy-bust operation, kagahapon Setyembre 18, 2025 mga alas 2:50 sa kaadlawon, sa Purok 1, Brgy. Canlanipa, Surigao City.
Gikasa ang drug buy bust sa Drug Enforcement Unit (DEU) ubos sa superbisyon ni PLTCOL Mariano C. Lukban, kauban ang 1st SDN PMFC nga gipangulohan ni PLTCOL Diomedes B. Cuadra Jr.
Arestado ang suspek nga si Benjie Salibay, 47 anyos, walay trabaho, temporaryong nagpuyo sa Purok Alang-Alang, Brgy. Ipil, Surigao City, Rodney Nellas Bilagantol, 35 anyos, walay trabaho, residente sa Purok Convention, Capitol Road, Brgy. Washington, Surigao City; Edward Cayumo Degamon alyas Kabaw, 37 anyos, drayber sa traysikel, residente sa Brgy. Luna, Surigao City.
Angayan masayran nga nadakpan na si Benjie Camillotes Salibay niadtong tuig 2014 sa parehas nga kaso ug gibuhian sa Surigao City Jail niadtong 2025 human maserbisyo ang iyang sentensya.Β Samtang si Edward Cayumo Degamon alyas Kabaw, nadakpan niadtong 2016 sa parehas nga kaso ug gibuhian usab niadtong 2025.Β
Nakumpiska ang usa (1) ka plastic sachet nga gituhuang shabu nga napalit sa poseur-buyer gikan sa suspetsado, gibana-bana nga 2.5 gramos nga nagkantidad og β±17,000.00 nga adunay β±6,800.00/kilo; Lima (5) ka plastic sachets ug lima (5) ka knot-tied transparent plastic cellophane nga naglangkob sa gituohang shabu, gibana-bana nga 497.5 gramos, nga nagkantidad og β±3,383,000.00 nga adunay β±6,800.00/kilo;Β Tulo (3) ka buok Php 1,000.00 nga genuine nga papel nga kuwarta nga gigamit isip marked money; ug mga drug paraphernalia.
Gitakdang kasong paglapas sa Art. II, Sec. 5 ug 11 sa R.A. 9165 (Comprehensive Dangerous Drugs Act of 2002) ang ipasaka batok sa mga nahisgutang suspetsado. Samtang ang mga nadakpan ug ang tanang ebidensya gidala na sa Surigao City Police Station para sa husto nga disposisyon ug dokumentasyon.
