Gipirmahan ni Presidente Ferdinand Marcos Jr. ang Republic Act No. 12288 o ang Career Progression System for Public School Teachers and School Leaders Act.
Ubos niining balaod, magkabaton og klaro nga sistema para sa promosyon ug pagdugang sa sweldo sa mga magtutudlo sa elementarya ug high school, base sa ilang performance ug kwalipikasyon.
Tumong niini nga masiguro ang padayon nga professional development, daghang oportunidad sa career growth, ug klarong agianan padulong sa pagka-master teacher o school principal.
Gisugo usab ang Department of Budget and Management (DBM) nga magbukas og bag-ong mga posisyon alang sa teacher, master teacher, ug school principal aron mapalapad ang oportunidad sa promosyon.
Kauban ang Civil Service Commission (CSC), Department of Education (DepEd), ug uban pang mga ahensya sa pagmugna sa qualification standards alang sa tanang posisyon sa public school system.
Photo courtesy: EDCOM2
