Dili kinahanglan magdali sa paghimo og ‘net zero’, matud sa energy chief sa nasud tungod sa agresibong pagtukod sa renewable energy sa Philippine Market.
Dugang pa ni Department of Energy (DOE) Secretary Sharon Garin niadtong Huwebes nga ang ‘net zero’ nagtumong sa ubang mga nasud mao ang ilang mga saad ngadto sa mga internasyonal nga organisasyon o institusyon.
Ang ‘net zero’ nagpasabot sa pagpakunhod sa carbon emissions hangtod gamay na lang nga nahibilin nga mahimong masuhop ug masiguro nga mapadayon ang pagtipig niini sa kinaiyahan ug sa ubang paagi sa pagtangtang og carbon dioxide, aron walay mabilin sa atmospera.
Ang gobyerno matud pa adunay kaugalingong mga tumong kabahin sa pagpataas sa renewable energy sa power generation mix ngadto sa 35 porsyento sugod sa 2030 ug pagpalapad niini ngadto sa 50 porsyento sugod sa 2040. Karon, ang kontribusyon anaa ra sa 22 porsyento.
Ang administrasyon ni Marcos naningkamot aron maka-engganyo ug daghang investors sa renewable energy nga sektor. Aduna sila’y green energy auction program aron mapadali ang pagdeploy sa mga limpyo nga assets, samtang naghatag og insentibo sa mga developers pinaagi sa fixed nga power rates.
Photo courtesy:Power Philippines
