Nakahimo ang usa ka long-distance swimmer sa New York City og kasaysayan human siya nahimong unang tawo nga nakalibot sa Manhattan Island pinaagi sa paglangoy nga nakaposas ang duha ka kamot.
Si Michael Moreau, usa ka nailhan nga competitive swimmer, milangoy sa 20 Bridges Swim nga naglibot sa Manhattan Island niadtong September 9. Natapos niya ang 29.54 ka milya sulod sa 9 ka oras, 41 minutos ug 46 ka segundos. Gihimo niya ang paglangoy samtang nakaposas.
Human sa usa ka grabe nga hagit, girekognisar si Moreau alang sa duha ka Guinness World Records: ang “pinakalayong gilay-on nga nalangoy nga nakaposas” ug ang “pinakapaspas nga nakalibot sa Manhattan Island nga nakaposas.”
Bisan pa nga dili kasagaran ang handcuffed swimming, dili na kini bag-o kang Michael nga nagsugod og langoy sukad siya lima ka tuig ang panuigon. Ang maong paagi sa paglangoy nanginahanglan og kusog nga sikad sa tiil, tungod kay dili niya magamit pag-ayo ang iyang mga bukton.
Human sa hapit 10 ka oras nga paglangoy, malampuson niyang nahuman ang hagit nga nakahatag og bag-ong yugto sa kasaysayan sa extreme endurance sports.
Photo courtesy:NDTV
