Nakurat ang daghang tawo human masayran nga usa ka 90-anyos nga babaye sa China ang naggamit og granada isip alho sulod na sa kapin duha ka dekada.
Sumala sa taho, nakapunit ang tigulang og karaan nga bakal sa uma ug gihunahuna niya nga usa ra kini ka gamit sa balay.
Sukad niadto, gigamit niya kini sa matag adlaw nga buluhaton, sama sa pagdugmok og luy-a ug sili, ahos, ug bisan sa pag-ibot sa lansang.
Apan sa dihang giplano na ang demolisyon sa iyang balay, usa ka opisyal ang nakamatikod nga dili ordinaryong metal ang gigunitan sa tigulang, kondili usa ka Type 67 hand grenade nga buhi pa ang fuse.
Kini nga kasinatian nagpahinumdom kanato nga usahay, ang kinadak-ang peligro nagtago lang sa atong atubangan nga wala nato damha.
Photo courtesy:International Military Antiques
