Feeling blessed, mao kini ang paghulagway ni Wacky Kiray ug Negi sa ilang kahimtang karon, ilabina sa aspeto sa ilang personal nga kinabuhi. Sa ilang panaghisgot uban ni Boy Abunda sa talk show nga Fast Talk with Boy Abunda, gibutyag sa duha ka komedyante nga malipayon sila sa ilang tagsa-tagsa ka mga relasyon.
Sa maong interview, giusisa ni Boy Abunda kung unsa ba kaimportante ang presensya sa usa ka lalaki sa ilang kinabuhi. Sa walay duha-duha, nitubag ang duha nga dako kini’g papel, labi na kay aduna na sila’y mga kapikas nga ilang gihigugma ug gisuportahan.
Gipangutana usab sila kung unsa na kadugay ang ilang relasyon. Mitubag si Negi nga tulo na ka tuig ang ilang panag-uban sa iyang kapikas. Gipasabot usab niya nga dili siya mahilig mag-post sa social media, hinungdan nga dili dayon masayran sa publiko ang iyang romantic relationship. Giangkon usab ni Negi nga straight ang sexual preference sa iyang partner, apan gipasabot niya nga dili siya mosugot nga adunay laing babae (girlfriend) ang iyang kapikas.
Sa laing bahin, si Wacky Kiray usab malipayon sa iyang dugay nang relasyon. Gibutyag niya nga padayon gihapon ang ilang panag-uban sa iyang long-term boyfriend. Iyang giila ang iyang partner nga iyang giidolo, ilabina nga kini usa ka respetadong personalidad sa media.
Sumala ni Wacky, ang tinuod nga pagsabot sa relasyon makita sa mata sa usag usa kon unsay makita nimo sa imong kapikas, mao pud unta ang imong dawaton. Iyang gipasalamatan ang iyang partner tungod kay suportado siya niini sa tanan niyang gustong buhaton.
Photo courtesy of GMA INTERTAMENT
