Nagpahayag si TV host ug actress Maine Mendoza sa iyang suporta sa bana nga si Quezon City 1st District Representative Arjo Atayde taliwala sa pasangil nga nalambigit kini sa maanomalyang flood control projects.
Gipagawas ni Mendoza ang iyang mensahe pinaagi sa social media aron klaruhon ang iyang baruganan. Giingon ni Mendoza nga baseless o walay tukmaan ang mga alegasyon batok sa iyang bana ug gipasabot nga wala kini nagbuhat og daotan sulod sa serbisyo publiko.
Gipangayo usab niya sa publiko nga dili maglabay og personal nga atake batok sa iyang bana, kaniya, ug sa ilang pamilya samtang nagpadayon ang imbestigasyon. Matod pa sa TV host, si Atayde naningkamot nga magserbisyo sa iyang distrito sukad nagsugod kini sa pulitika.
Gipadayag usab niya nga gilauman ug giampo nga ang mga tinuod nga responsable sa maong anomalya maoy manubag ug dili madamay ang mga inosente.
Gisugdan kini nga isyu human gitumbok sa magtiayong Curlee ug Sarah Discaya si Atayde nga nakadawat matud pag kickbacks gikan sa flood control projects nga gipangayo sa imbestigasyon sa Senado.
Photo courtesy to: SCREENGRAB FROM INSTAGRAM | @ARJOATAYDE
