Sikop sa kapulisan sa Sominot Municipal Police Station sa pakigkoordinar sa PDEA-9 ang usa ka Public School Teacher sa gikasa nga drug buy-bust operation sa may Purok Doña Luz, Barangay Eastern Poblacion Sominot, Zamboanga del Sur, mga ala-una sa kadlawon, Septyembre 9, 2025.
Naila ang dinakpan sa alyas Aldrin, 40 anyos, ug residente sa Molave, Zamboanga del Sur. Nakuha gikan sa iyang posesyon ang mga pakete sa druga, P1000 bill nga mark money, assorted IDs, cellphone, usa ka black sling bag, ug uban pang drug paraphernalia.Lakip sa nabawi gikan sa magtutudlo ang usa silver Suzuki mini van.
Human sa operasyon, ang mga nakumpiska nga druga gidala sa Zamboanga del Sur Provincial Forensic Unit, Camp Abelon, Pagadian City, alang sa laboratory examination.
Samtang ang dinakpan nga suspetsado nakakustudiya na sa Sominot Municipal Police Station ug gikatakdang pasakaan ug kaso may kalabutan sa RA 9165.
PHOTO COURTESY TO: ZSPPO, PRO9
