Nadakpan sa kapulisan ang usa nga lalaki dungan sa gikasang law enforcement operation sa may Purok Santan, Barangay Cogon, Vincenzo Sagun, Zamboanga Del Sur, adlawng Miyerkules, Agosto 27,2025.
Gipangunahan ang operasyon sa mga personahe sa Vincenzo Sagun Municipal Police Station, BICAS ZSPPO,ug Pagadian City Police Station. Giila ang dinakpan nga si “Leonardo” 46 anyos, usa ka fish vendor, residente sa Barangay Santiago Pagadian City.
Gihimo ang pagdakop pinasikad sa gahom sa warrant of Arrest nga gi-isyu sa Acting Presiding Judge, Branch 1, sa MTC 9, Pagadian City. Gitugutan ang dinakpan nga makapyansa sa kantidad nga 6,000.00 pesos alang sa iyang temporaryong kagawasan.
Sa karon nakakustudiya na ang dinakpan sa Vincenzo Sagun Municipal Police Station alang sa tukmang lakang.
Via:Vincenzo Sagun Municipal Police Station
