Giaksyunan ug mipahigayon og case Conference ang kapulisan sa Kidapawan City may kalabutan sa gialegar nga hazing incident sa usa ka eskuwelahan sa dakbayan.
Gibutyag sa buhatan sa Kidapawan City Police Office nga kaniadtong Agusto 24, 2025, nakadawat ang ilang buhatan og report kabahin sa “alleged hazing incident” nga gikalambigitan sa Criminology students, kaniadtong Agusto 23, 2025 didto sa Kalaisan National High School.
Gipangulohan ang case conference ni Police Col. Gilberto B. Tuzon, Provincial Director sa CPPO, kauban si Police Lt/Col. Dominador L. Palgan, Jr. , ang Officer-in-Charge sa Kidapawan CPS. Matud pa, gitabangan ang mga biktima alang sa pag-file og complaints batok sa gialegar nga mga perpetrators.
Base sa initial findings, daghang mga estudyante ang nakaangkon og injuries human gi-sprayhan sa pinasahing substance atol sa reception rites.
Photo courtesy to:PRO-12 Kidapawan
