Natawo ang usa ka himsog nga baby boy sulod mismo sa Digos City Business Center sa Digos City, Davao del Sur.
Matod ni Ms. Analyn Cobol, empleyado sa City Economic Enterprise Management Office, alas-siyete sa buntag kaniadtong Agosto 23, misaka sa ikaduhang andana ang usa ka buntis aron gamiton ang comfort room. Apan kalit kini nangayo og tabang human makasinati og kasakit tungod manganakay na kini.
Wala maglangan ang mga empleyado sa maong building ug gitabangan ang inahan ug malampuson kini nga nanganak.
Human niini, gipahibalo sa City Disaster Risk Reduction and Management Office ang sitwasyon ug gilayon nga gidala ang mag-inahan ngadto sa hospital aron mahatagan og medikal nga atensyon.
Kini ang unang higayon nga natala ang pagpanganak sulod sa Digos City Business Center.
Photo for illustration credits to:UVA Today
