Nadakpan na sa kapulisan niadtong Agosto 22 ning tuiga ang suspetsado sa pagpamusil sa 65 anyos nga ginang sa Brgy. D reconalla, Lungsod sa Siocon, Zamboanga del Norte.
Ang 60 anyos nga suspek ang nasikop sa bukirong bahin sa nasangpit nga barangay pinaagi sa mga operatiba sa Siocon Municipal Police Station, 2nd ZNPMFC, 905 MC RMFB 9, 106th Maneuver Comapnay ug uban pang mga units.
Kahinumduman nga niadtong Agosto 20 ning kasamtangang tuig, gipusil sa suspetsado ang biktima nga anaa sulod sa ilang kusina ug naghikay sa panihapon kauban ang bana niini.
Gikaingong ang suspetsado ang matod pa boyfriend sa anak sa biktima. Ang dinakpan ang anaa na tingkagol sa selda sa Siocon Municipal Police Station alang sa tukmang disposisyon.
Samtang gikumpirma sa hepe sa Siocon MPS nga si PCapt Jumar Nabua nga ang biktima ang gikatahong nipanaw na usab pipila ka oras human sa maong pagpamusil.
Photo Courtesy: ZNPPO
