Swerteng naluwas ang 33 anyos na lalaki human gipusil sa riding in tandem, sa Sitio Dinaligan, Brgy. Masgad, Malimono, Surigao del Norte, Agosto 13, 2025 mga alas 8:10 sa buntag.
Ang biktima nailhan sa pangalan nga si Aljun Amuncio Tiempo, 33 anyos ug residente sa Purok 1, Brgy. Cayawan, Malimono, Surigao del Norte.
Sa imbestigasyon sa kapulisan, nasayran nga ang biktima gikan sa Brgy. Pili padulong unta sa Brgy. Cayawan apan pag-abot sa nasangpit nga lugar nahitaboan.
Kalit nga miabot ang Honda single motor sakay ang suspek kauban ang back-rider nga nakasuot brown nga jacket ug nagkalo nga mitiro sa biktima gamit ang kalibre 45 nga pistola ug naigo kini tumong sa tiyan.
Apan swerte nga naka-lingkawas ang biktima ug midagan kini palayo sa mga suspek.Nakuha gikan sa crime scene an usa ka basiyo sa bala ug isa ka Honda nga motorsiklo.
Padayon ang hot pursuit operation sa Malimono PNP aron gukdon ang nakasibat nga mga suspek.
