PAGADIAN CITY- Gilusad sa Land Transportation Office (LTO) Region 9 ang massive campaign kabahin sa pagpahugot sa pagpatuman sa pagsuot ug helmet sa tanang mga motorista gikan sa mga boundaries sa Pagadian City Proper.
Matud ni LTO Region 9 Team Leader Amerol Cuaro, sa karon dunay gitumbok ang mayor sa syudad sa Pagadian nga optional lang ang pagsuot ug helmet gikan sa Tuburan paingon sa balangasan ug sa ibabaw nga bahin sa may Rotunda.
Gisaysay sa Team Leader, kun basihan ang RA 10054 nga nagsugod pa niadtong 2019 ang tanan nga mga motorista kinahanglan unta nga magsuot sa standard protective helmet sa tanang panahon sa ilang pagmaneho.
Apan gumikan sa ordinansa nga gipagawas sa syudad nga nagdili sa pagsuot ug helmet, hinungdan diha lang sila mudakop sa mga motorista nga nagmaneho ug single motor, gawas sa gitumbok nga lugar.
Alayon niini, gi-awhag ni Cuaro ang tanang mga motorista nga sundon ang balaod sa kadalanan aron usab nga dili masita ug madakpan sa mga LTO traffic enforcer.
