MATI CITY- Gipanawagan sa Municipal Health Office sa Governor Generoso ang tanang residente sa maong lungsod nga magpa-HIV counseling ug testing aron maprotektahan ang ilang panglawas ug mahibal-an ang ilang kahimtang.
Gipasalig sa MHO nga libre ug confidential ang HIV Counseling ug Testing nga ipahigayon sa Barangay Tibanban Multi-Purpose Building karong umaabot nga Agosto 15, 2025, gikan alas-8 sa buntag hangtod alas-3 sa hapon. Tumong niini nga programa ang paghatag og tukmang impormasyon ug serbisyo sa tanang interesado, ilabina aron mapaligon ang kampanya batok sa HIV ug AIDS.
Gipasabot sa MHO nga walay kinahanglan appointment alang sa mga gustong moapil sa testing ug counseling. Pwede ra mosulod bisan walk-in aron dali ug paspas ang proseso sa pagserbisyo sa publiko.
Kini nga kalihokan kabahin sa padayon nga paningkamot sa lokal nga gobyerno sa Governor Generoso sa pagpalapad sa kahibalo ug paghatag og libreng serbisyo medikal alang sa kaluwasan ug kaayuhan sa komunidad.
via: MHO Governor Generoso
