𝐓𝐈𝐆𝐏𝐀𝐘𝐔𝐇𝐎𝐓 𝐎𝐆 𝐈𝐋𝐋𝐄𝐆𝐀𝐋 𝐍𝐆𝐀 𝐃𝐑𝐎𝐆𝐀 𝐃𝐀𝐊𝐏𝐀𝐍

IPIL- Nasikop ang usa ka lalaki sa gipahigayong operasyon sa mga personahe sa Tungawan Municipal Police Station sa Sitio Biha, Purok Adelfa, Barangay Libertad, lungsod sa Tungawan, Zamboanga Sibugay niadtong nakalabay nga adlaw.

Ang nasampit nga operasyon gipangulohan ni PMAJ CHRISTOPER A. SINGSON, hepe sa Tungawan MPS, pinaagi sa pagpatuman sa Search Warrant No. 304 alang sa kalapasan sa R.A. 9165 (Comprehensive Dangerous Drugs Act of 2002) nga gi-isyu ni ANTHONY D.T. ISAW, Presiding Judge sa RTC Branch 24, Ipil, sa nasampit nga lalawigan.

Nasakmit sa mga otoridad ang upat (4) ka gagmay’ng pakete sa gituohang shabu nga may gibug-aton nga 1.0 gramo ug gibanabanang nagkantidad sa Php 6,800.00 uban pang mga drug paraphernalia.

Gipahibalo ang dinakpan sa iyang katungod ubos sa Konstitusyon ug sa Anti-Torture Law gamit ang pinulongan nga iyang nasabtan.

Gidala ang nasampit nga indibidwal sa Tungawan MPS alang sa kustodiya ug hustong disposisyon, samtang ang mga ebidensya giturn-over sa Zamboanga Sibugay Forensic Unit alang sa eksaminasyon.

Photo courtesy: TUNGAWAN MPS