𝐁𝐀𝐁𝐀𝐘𝐄𝐍𝐆 𝐀𝐍𝐆𝐊𝐀𝐒 𝐒𝐀 𝐔𝐒𝐀 𝐊𝐀 𝗟𝗔𝗡𝗚𝗬𝗔𝗪 𝐍𝐆𝐀 𝐍𝐀𝐃𝐈𝐒𝐆𝐑𝐀𝐒𝐘𝐀-𝗣𝗔𝗧𝗔𝗬

PAGADIAN CITY- Gideklarang dead on arrival sa tambalanan ang usa ka 25 anyos nga babaye samtang angol ang usa ka british national human sa natigayon ang disgrasya sa kadalanan sa National Highway Purok Bagong Silang, Barangay Balangasan, Pagadian City, Agosto 10, 2025.

Ang biktima nga driver naila sa pangalang Ethen, 28 anyos, British citizenz ug residente sa Ballesteros Village, Barangay Balangasan, Pagadian City.

Gimaneho sa driver ang usa ka black/gray Honda ADV nga motorsiklo angkas ang usa ka babaye nga si Rowie Jane, 25, ug residente sa Upper Landing, Dumingag, Zamboanga del Sur.

Sa inisyal nga imbestigasyon, samtang nagbyahe ang biktima paingon sa direksyon sa lungsod sa Dumalinao, apan sila aksidente nga nakaligis sa mitabok nga iring, hinungdan sila nadumbol sa usa ka sakyanan og nabagnos sa kalsada.

Gumikan sa kakusog sa impact sa disgrasya, susama nga naka-angkon ug daghang mga bun-og sa lawas ang biktima nga daling gidala sa nagkadaiyang tambalanan sa syudad sa Pagadian sa mga concern citizen ug mga BFP personnel.

Apan gideklara nga dead on arrival ang babayeng angkas sa attending physician sa Jamellarin Hospital diin padayon pa sab nga gitambalan ang driver sa mga doctor nga anaa pa karon sa tambalanan.