MATI CITY- Balhog na sa karsel ang usa ka lalaki nga giklasipikar nga Newly Identified Street Level Individual human madakpi sa gihimong buy-bust operation sa mga otoridad pasado alas 9:50 sa gabii, Agosto 9, 2025, sa Purok San Antonio, Brgy. Batobato, San Isidro, Davao Oriental.
Ang operasyon gihimo sa mga personahe sa Drug Enforcement Unit sa San Isidro Municipal Police Station, kauban ang PDEU, PIU/DOPPO, ug sa pakigtambayayong sa PDEA, nga misangpot sa pagkasikop ni alyas βLang,β 20 anyos, ulitawo, walay trabaho, ug residente sa Purok Mahogany, Brgy. San Roque, San Isidro, ning probinsya.
Nakumpiska gikan sa suspetsado ang gibana-bana nga 0.5 gramos sa gituohang shabu nga may standard drug price nga β±3,400.00.
Karon, anaa na sa kustodiya sa San Isidro Municipal Police Station ang dinakpan alang sa tukmang disposisyon ug pag-atubang sa kaso nga paglapas sa Republic Act 9165 o Comprehensive Dangerous Drugs Act of 2002.
via: San Isidro MPS
