PAGADIAN CITY- Napalgan nga wa nay kinabuhi ang usa ka Overseas Filipino Worker (OFW) human kini naghunos sa iyang kinabuhi sa may Tigbao, Zamboanga del Sur, karong buntag, Agosto 8, 2025.
Ang biktima nga gitago sa pangalang Mary, single mother, 29 anyos, napalgan na lang sa inahan nga nagbitay gamit ang extension wire sulod mismo sa iyang kwarto.
Dali nga nagtinabangay ang inahan ug igsoon sa biktima sa pamasin nga kini matabang pa, apan sila pakyas gumikan nakabsan na sa kinabuhi ang biktima.
Basi sa saysay sa inahan sa biktima, kanunay matud pa nga aktibo sa pag live sa Facebook iyang anak, apan niadtong tungura iyang namatikdan ang kamingaw sa ilang balay partikular sa kwarto sa iyang anak.
Gikatingala usab niya nga wala nag-engage sa pag live sa Facebook iyang anak nga kasagaran niini nga ginahimo hinungdan iyang gisusi ang kwarto niini kaganinang sayo sa kadlawon, ug siya nahikurat na lang sa iyang nadeskubrehan.
Dali nga miresponde ang Tigbao Municipal Police Station aron masiguro ang lugar ug gi-request ang tabang gikan sa Provincial Forensic Unit alang sa dugang imbestigasyon.
Photo for illustration credits to:indiaexpress.com
