PAGADIAN CITY- Patay ang usa ka studyante sa Alternative Learning System (ALS) human kini naghunos sa kinabuhi sa may Purok Madasigon, Barangay Longmot, Tigbao, Zamboanga del Sur, kagahapon, Agosto 05, 2025.
Ang biktima giila sa alyas nga “Paul” 19 anyos, lalaki, ug residente sa nahisgutan nga lugar.
Gamit matud pa sa maong batan-on sa paghunos sa iyang kinabuhi ang liston sa duyanan nga gibitay sulod mismo sa kwarto sa biktima.
Milungtad matud pa ug kapin sa oras adiser namatikdan sa ama-ama sa biktima ang patay’ng lawas sa nahisgotang batan-on.
Dali nga nagpakitabang ang mga kabanay ngadto sa otoridad ug sa Rural Health Unit (RHU) Tigbao aron masusi ang patay’ng lawas sa biktima.
Sa pagkakaron, pabilin pa nga blangko ang kabanay sa hinungdan kon nganong gihimo sa biktima ang paghunos sa iyang kinabuhi.
photo credits:newvision.co.ug
