El govierno local officialmente ya man turned over ya con el nuevo rehabilitao Fuente na Sitio Barigon, Barangay Tugbungan del ayer Miercoles Pecha 6 na mes del Agosto.
Ya inagura este mismo el Alcalde Khymer Adan Olaso junto con el Barangay Kapitan del Tugbungan, Kap. Monching Saavedra donde ya rindi este miles de gracias hablando cay el fuente beneficia residente y maga motorista quien ta pasa na ruta na todol dia.
El proyekto ya man pondo el antes administration na valor de 20.5M donde ya nota el Alcalde el importancia del proyekto hablando cay grande este ayuda para asegura el seguridad del maga residente del Tugbungan particularmente durante el periodio de fuerte aguecero.
Ya condusi Tambien el Alcalde Olaso on-site inspection na river system, donde ya nota este el nesisidad para na mas comprehensivo, long-term strategies para efectivo man address con el problema de inundacion.
Photo Courtesy: City Government of Zamboanga
