KIDAPAWAN CITY- Giduggab ang usa ka lalaki sa iyang paryente, human sa gikaingong nikaon kini apan wala niamot, niadtong milabayng adlaw sa Brgy. Bulatukan, Makilala, North Cotabato.
Gilla ang biktima nga si Roy Lopez Maguay, 40-anyos, mag-uuma, samtang giila usab ang paryente niining suspek nga si Fernando Alagano Alod, 40-anyos, laborer, parehong residente aa Brgy. Old Bulatukan sa nahisgutang munisipyo.
Base sa imbestigasyon sa Makilala Municipal Police Station, nakig-inom ang suspek sa iyang mga silingan sa balay sa iyang iyaan, dihang nanihapon na, niabot ang biktima og kalit nga giingnan sa suspek nga mokaon lang og libre nga walay ambag.
Nibagting ang dalunggan sa biktima sa estoryang iyang nadunggan, hinungdan nga gihilam-usan niini og kan-on sa plato ang nawong sa suspek.
Tungod sa kasuko sa suspek, iyang giibot ang kutsilyo nga anaa sa iyang hawak og gidunggab ang biktima sa butkon.
Daling gidala ang biktima sa balay tambalanan alang sa atensyong medikal, samtang balhog na sa Makilala Custodial Facility ang maong suspek.
Photo credits: Jun Jacolbe
