ILIGAN CITY- Nadakpan ang usa ka other wanted person sa gihimong Police operation sa Iligan City Mobile Force Comapany ug Iligan City Police Station 4 sa pag panguna ni OIC PCPT Michael Angelo C. Roldan sa may alas 11:45 sa buntag kagahapong adlaw sa Purok Pag asa, Caride Village Barangay Tubod, Iligan City.
Base sa report gikan sa Police Station 4 giila ang suspek nga 36 anyos, residente sa Purok Bagong kaplag, Barangay Ubaldo laya, dakbayan sa Iligan.
Gidakop ang suspek pinasikad sa warrant sa kasong pag lapas sa kasong Section 5(A) sa Republic Act 9262 nga gi issue ug pinirmahan ni Acting Presiding Judge Hon. Mylene Amerol Macumbal sa Regiona Traial Court, 10TH Judicial Region, Iligan City ug adunay girekumindar nga piyansa ang korte nga mokabat sa Php 72, 000 bugti sa iyang temporaryong kagawasan, pinitsaha kaniadtong Octobre 07,2024.
Sa pagkakaron ang nadakpang suspek padayong gi kustodiya sa Iligan City Police Station 4 samtang gihikay ang tukmang lakang batok kaniya.
photo credits:Iligan City Police Station 4
