DIPOLOG CITY- Dakpan ang usa ka lalaki sa gipahigayong drug buy bust operation sa mga otoridad sa Barangay Poblacion, Siocon, Zamboanga del Norte niadtong Agosto 3, 2025.
Giila ang dinakpan nga si alyas “Abel”, 35 anyos, minyo, habal-habal driver ug residente sa Barangay Tibangao sa nasangpit nga lungsod.
Nasakmit gikan sa dinakpan ang 9 ka heat sealed transparent plastic sachet nga adunay sulod nga gituohang shabu gikan sa iyang posisyon ug lain pang usa ka sachet sa shabu nga nagsilbing buy bust item.
Ang mga nakumpiska nga druga gikan sa suspek ang motimbang ug 3 gramos ug adunay kantidad nga mokabat sa Php20,400.00 ug giturn-over ngadto sa Zamboanga del Norte Forensic Unit, Liloy Satellite Office alang sa eksaminasyon samtang ang dinakpan ang tingkagol sa selda sa Siocon Municipal Police Station alang sa tukmang disposisyon.
photo credits:SIOCON MPS
