ILIGAN CITY- Nasikop sa mga operatiba sa Police Station 2, sa syudad sa Iligan ang usa ka babaye nga namaligya og drogang shabu, 57 anyos ug residente sa Zone Family Village, Barangay Suarez sa Iligan City alas 9:31 sa gabii kagahapong adlawa Agusto 4, 2025 sulod mismo sa iyang pinuy-anan.
Migawas sa imbistigasyon nga nadakpan ang suspek tungod sa nagpakaban nga Silingan nga mitawag sa kapulisan ug paghidangat sa mga Operatiba ilang na aktohan ang suspek nga mitunol og gituhoang shabu sa laing indibidwal hinungdan sa iyang pagkasikop samtang ang laing indibidwal naka ikyas.
Nakuha gikan kaniya ang mga ebidensya nga drogang shabu nga mao ang mga mosunod: Duha ka pakete sa medium ang gidak-on ug laing lima ka paketeng gagmay sa susamang droga nga adunay gibug-aton nga 1.67 gramos ug adunay Standard Drug Price nga Php11,356. lakip na niini ang usa ka black Purse ug uban pang Non-drug Items.
Sa pagkakaron ang nadakpan timporaryong gibalhog sa mga operatiba sa Police Station 2, alang sa tukmang lakang.
Photo credits: Iligan City Police Station 2
