ZAMBOANGA CITY-Calaboso el un miembro del LGBTQ despues con este aresta durante el un Drug Buybust Operation na Barangay Kasanyanyangan.
Con el Suspechao ya Identifica como si untal Balinda, 25 anios el edad miembro del LGBTQ residente de Asinan del mencionao Barangay
Durante na operation del Drug Enforcement Unit del Police Station 11 ya confisca na de este possesion 5 sachet contenido de alegao shabu que tiene pesades de 1 gramo y estimao valor de P6,800 pesos y P200 de pesos como un mark money.
Mientrastanto el mencionao suspechao detenido ya na carcel del Police Station 11 y esperansao hay emfrenta este el caso bajo na R.A 9165 o mas conocido de Dangerous Drug Act of 2002 na corte.
photo courtesy:Police Station 11
