Calaboso, el un hombre despues este alegaomente ruba el un motorisklo na Zone 3 Barangay Cawit. Con el Suspechao ya identifica como si untal Anwar 21 anios el edad hombre un pescador residente de Zone 1 Barangay Cawit y mientras con el duenio que un pintor ya conose como si John Micheal 31 anios el edad hombre, Zone 4, Barangay Maasin.
Base na report del otoridad, ya enderesa el duenio del motorisklo na station del police station 9 ayala, para reporta de este motorisklo donde el ultimo ya puede este mira na Zone 3 na Barangay Cawit, despues resibi report ensegidas el otoridad ya enderesa na mencionao lugar donde na acto ya puede cuji el otoridad ta usa el Suspechao con el motorisklo un Euero donde el mismo biktima ya confirma cay amo este el disu motorsiklo que ya perde.
Mientrastanto detenido ya este ahora na carcel del Police Station 9 para na Propio despocicion.
photo courtesy:Police Station 9
