TAGUM CITY- Pakyas ang duha ka mga partisipante sa natigayong Trail Run sa lungsod sa Sto. Tomas Davao del Norte human gituohang na heat-stroke samtang nagdagan ang usa sa trail track sa Purok 7, Barangay San Jose, Santo Tomas, Davao del Norte, adlawng Domingo, Agosto 3, 2025.
Giila ang mga biktima nga sila si Klent John Mesiona Brua, 39 anyos, minyo, residente sa Purok 2, Cabinuangan, New Bataan, Davao de Oro kinsa espuso sa kasamtangang mayor sa maong lungsod.
Laing partisipante giilang si Eric Joseph David Taping, 35 anyos, Sangguniang Bayan Member sa Munisipalidad sa Montevista Davao de Oro.
Sumala sa imbestigasyon, si Brua namatikdang dugay nakaabot hinungdan nga milusad og rescue operation sa pagpanguna sa usa ka kapitan sa usa ka barangay kauban ang mga personahe sa 56th Infantry Battalion sa AFP ug ang Municipal Disaster Risk Reduction and Management Office (MDRRMO).
Nakit-an ang biktima bandang alas 3:30 sa hapon ug dali kining gidala sa medical facility, apan, gideklarar kini nga dead on arrival.
Base sa paunang findings sa doktor, posible nga hinungdan sa kamatayon niini mao ang traumatic brain injury, internal hemorrhage, ug stroke nga posibleng na-trigger sa heat stroke nga mitultol sa heart attack.
Gituhuang si Brua na-heat stroke samtang nagdagan sa taas nga bahin sa trail ug nahagsa gikan sa pang-pang.
Samtang sa pikas bahin, gidala usab sa balay tambalanan si Taping human nag “seizure” taliwa sa maong trail.
Gilantaw nga ang tumang kainit sa panahon maoy hinungdan sa maong insidente diin padayon pa usab ang ginahimong imbistigasyon sa kapulisan.
Kasamtangang gipahiluna na sa mga kabanay ang patayng lawas sa duha ka mga partisipante.
ctto
